മലബാറിലെ സത്യസന്ധനായ ഒരു കമ്മ്യുനിസ്ടുകാരനും അദ്ദേഹത്തിന്റെ കുടുംബവും അനുഭവിക്കുന്ന സംഘര്ഷങ്ങളാണ് മധ്യവേനല് എന്ന സിനിമയിലൂടെ മധു കൈതപ്രം അവതരിപ്പിക്കുന്നത്. ബീഡി തൊഴിലാളിയായ കുമാരന്റെയും ഖാദി തൊഴിലാളിയായ സരോജിനിയുടെയും ചെറുത്തുനില്പ്പിന്റെ കഥയാണ് മധ്യവേനാല്. കാലം വളരെ വേഗത്തില് മാറിക്കൊണ്ടിരിക്കുന്നു. അതിനനുസരിച്ച് കുമാരന്റെ കമ്മ്യുണിസ്റ്റ് പ്രസ്ഥാനവും മാറിക്കൊണ്ടിരിക്കുകയാണെന്ന് കുമാരന് തന്നെ പല ഘട്ടങ്ങളിലും സമ്മതിക്കുന്നു. മകള്ക്ക് എന്ജിനീയരിങ്ങിനു പ്രവേശനം ലഭിക്കുന്നു. അവളുടെ സുഹൃത്ത് മുഖേന കുത്തക ബാങ്ക് മാനേജരെ അവള് പരിചയപ്പെടുകയും ആ ബന്ധം പ്രേമമായി പരിണമിക്കുകയും ചെയ്യുന്നു. കമ്മ്യുണിസ്റ്റ് പാര്ടി കുമാരനെ പാര്ടിയില്നിന്നും പുറത്താക്കുന്നു. കുമാരന് മരിക്കുന്ന സമയത്ത് കുടുംബ ചുമതല സരോജിനിയുടെ ചുമലിലാകുന്നു. ഖാദി കേന്ദ്രത്തിലെ കല്ലഖാടിക്കെതിരെ സരോജിനിയുടെ നേതൃത്വത്തില് തൊഴിലാളികള് സമരം ചെയ്യുന്നു. മകളുടെ ബന്ധം അതിരുവിടുന്ന സമയത്ത് അവനെ വീട്ടിലേക്ക് വിളിച്ചുവരുത്തി കൊലപ്പെടുത്തുന്നു
പുതിയ കാലഘട്ടത്തില് സത്യസന്ധരായ രാഷ്ട്രീയ പ്രവര്ത്തകരെ ആ പ്രസ്ഥാനം അന്ഗീകരിക്കുന്നില്ല,പിന്നെയല്ലേ സമൂഹം. രാഷ്ട്രീയ പ്രസ്ഥാനങ്ങളിലും പ്രതികരണശേഷി കൂടിയവരെ ഇല്ലാതാക്കാനുള്ള ശ്രമം കൂടിവരുന്നു. സ്വാഭാവികമായി അവന്റെ സാമ്പത്തീക ചുറ്റുപാട് അവനെ തളര്ത്തുന്നു. പക്ഷെ മദ്ധ്യവേനല് ഇല്ലായ്മയിലും പോരാട്ടം നിര്ത്താന് തയ്യാറാവാത്തവരുടെ കഥ പറയുന്നു. ഇന്നിന്റെ കാലഘട്ടത്തിലെ പ്രസക്തമായ ഒരു സിനിമ അവതരിപ്പിക്കാന് മധ്യവേനലിലൂടെ മധുകൈതപ്രത്തിന് കഴിയുന്നു.
അച്ഛനെയന്വേഷിച് നാടുവിടുന്ന ഒരു കുട്ടിക്ക് ആ യാത്രയില് കാണേണ്ടിവരുന്ന ദുരനുഭവങ്ങളുടെ ഹൃദയസ്പര്ശിയായ അവതരണമാണ് ദി അതര് ബാങ്ക്. അമ്മയുടെ കൂടെതമാസിക്കുന്ന കുട്ടി പിന്നീട് മനസ്സിലാക്കുന്നത് തന്റെ അമ്മയക്ക് ഒരു കാമുകന് ഉണ്ട് എന്നാണ് . പഠനം ഉപേക്ഷിച്ച ചെറിയ പ്രായത്തില് മോഷണത്തിലൂടെ കിട്ടുന്ന തുക അമ്മയീല്പിച്ചിട്ടും അമ്മ കാമുകനെ ഉപേക്ഷിക്കാന് തയ്യാറായില്ല. പിനീട് അവന് തന്റെ അച്ചനെയന്വേഷിച് യാത്രയാരംഭിച്ചു.ടിക്കറ്റ് എടുക്കാതെ ട്രെയിനില് തള്ളിതാഴെയിട്ടു . കുറ്റിക്കാട്ടില് കിടന്ന അവനെ അധോലോകസംഘം കാണുകയും കൂടെ കൂട്ടുകയും ചെയ്യുന്നു. അവര് ഒരു പെണ്കുട്ടിയെ ബലാല്സംഘം ചെയ്യുന്നത് അവന് കാണേണ്ടിവരുന്നു. അവനെ രക്ഷിക്കാന് ശ്രമിച്ച യുവാവിനെ ചെക്ക് പോസ്റ്റില് വെച്ച വെടിവെച് കൊലപ്പെടുത്തുന്നതും അവന് കാണുന്നു. ഒരു വലിയ കാടിന്റെ നടുവില് ഭീകരവാദികളുടെ കൂടെ അവന് നൃത്തം ചെയ്യാന് നിര്ബന്ധിതനാകുന്നു.
കസാഖിസ്ഥാനിലെ പൊള്ളുന്ന യാധര്ത്യങ്ങളാണ് സിനിമയില് ഉടനീളം. അച്ഛനില്ലാതെ വളരുന്ന ഒരു കുട്ടിയുടെ ദയനീയ അവസ്ഥ ഇവിടെ ആവിഷ്കരിക്കുന്നു. വേശ്യാവൃത്തിയും ബാലവേലയും കുട്ടികള് മോഷണതിലേക്ക് കടന്നുവരുന്നതും അധോലോകസംഘതിന്റെ ചെയ്തികളും അധിനിവേശ സൈന്യത്തിന്റെ ധിക്കാരവും ഭീകരവാദികളുടെ ജീവിതവുമെല്ലാം കസഖിസ്തന്റെ പശ്തലത്ത്തില് അവതരിപ്പിക്കുകയാണ് ഗോര്ജെ ഒവശ്വ്ലി തന്റെ അതര് ബാങ്ക് എന്ന ചിത്രത്തിലൂടെ.
ചെറുപ്പത്തിലെ അമ്മ മരിച്ചുപോയ കുട്ടിക്ക് അമ്മ അവസാനം കൊടുത്ത ദൌത്യം നിന്റെ അച്ഛനെ നീ കണ്ടെത്തണം എന്നതായിരുന്നു. അച്ച്ചനെത്തെടെയുള്ള കുട്ടിയുടെ യാത്രയും അവന് അനുഭവിക്കേണ്ടിവന്ന ത്യാഗത്തിന്റെയും പീടനതിന്റെയും ഉജ്ജ്വലമായ അവതരണമാണ് ഫിഷിംഗ് പ്ലാട്ഫോം .
കടലിന്റെ നടുവില് മത്സ്യം പിടിച്ച് സംസ്കരിക്കുകയും വില്കുകയും ചെയ്യുന്ന ഒരു കപ്പലില് കുട്ടി എത്തുന്നു. അവിടെ സഹപ്രവര്ത്തകരായ, സംസ്കാരശൂന്യരായ കുട്ടികള് അവനെ ഭീകരമായി പീഡിപ്പിക്കുന്നു. പക്ഷേ എഴുത്തും വായനയും അറിയാവുന്ന അവന് അതെല്ലാം സഹിക്കുന്നു. കപ്പലിന്റെ ഉടമസ്ഥനായ മനുഷ്യനാണ് തന്റെ അച്ഛന് എന്ന് കുട്ടി പിന്നീട് തിരിച്ചറിയുന്നു. പക്ഷേ അത് അംഗീകരിക്കാന് അദ്ദേഹം തയ്യാറാകുന്നില്ല. കഥയുടെ അവസാനം കുട്ടി അച്ചനെയും കൂട്ടി നാട്ടിലേക്ക് പുറപ്പെടുന്നു.
ഒരു ശ്രേഷ്ടമായ അവതരണമാണ് ഫിഷിംഗ് പ്ലട്ഫോം. ആ കുട്ടിക്കെതിരെ അവിടെയുള്ള മറ്റുകുട്ടികളുടെ പീഡനം ഹൃദയവേദനുണ്ടാക്കുന്നു . കുട്ടിയുടെ അച്ഛന് അവനെ മനസ്സിലാകാത്ത സമയത്ത് അദ്ദേഹത്തിന്റെ വകയുമുണ്ടായിരുന്നു അവന് മര്ദനം. അവിടെയുള്ള സംസാരിക്കാന് കഴിയാത്തയാല് പലപ്പോഴും അതിനെ ചെറുക്കാന് ശ്രമിക്കുന്നുണ്ട്. പെട്ടിയിലെ പഴയ ഫോട്ടോകള് കടലില് വീണുപോയ സമയത്ത് അദ്ദേഹം അത് എടുക്കുകയും ഉണക്കാന് വെക്കുകയും ചെയ്യുന്നുണ്ട്. ഭീകരമായ പീഡനം ഏറ്റുവാങ്ങിയ ആ കുട്ടി പിന്നീട് അവിടുത്തെ നേതാവ് ആവുകയും അവനെ മാര്ദ്ടിച്ചവരോട് പ്രതിക്കാരം ചെയ്യുകയും ചെയ്യുന്നുണ്ട്. അച്ഛനെ തേടിയുള്ള അവന്റെ യാത്ര വലിയ കഷ്ടത നിര്ഞ്ഞതായാലും ആ സ്നേഹത്തിനുവേണ്ടി അവന് അതെല്ലാം സഹിക്കുകയും ചെയ്യുന്നു. കഥയുടെ അവസാനം അച്ഛന് അവനെ തിരിച്ചറിഞ്ഞു. അവന്റെ കൂടെ യാത്ര തിരിക്കുന്ന പുതിയ ഒരു മനുഷ്യനെയാണ് അവസാനം നാം ഫിഷിംഗ് പ്ലട്ഫോം എന്നാ സിനിമയില് കാണുന്നത്.
പ്രണയത്തിന്റെയും വിപ്ലവതിന്റെയം തീഷ്ണമായ കഥപറയുന്ന കല്കട്ട മൈ ലവ് ബംഗാളിലെ ഒരു കാലഘട്ടത്തിന്റെ നേര്ക്കാഴ്ചയാകുന്നു. സ്വന്തം മകനെ കോളേജിലേക്ക് അയക്കുമ്പോള് രാഷ്ട്രീയത്തില് പ്രവര്ത്തിക്കരുത് എണ്ണ അച്ഛന്റെ വാക്ക് അവന് ഏറെ കഴിയും മുമ്പ് ധിക്കരിക്കെണ്ടിവന്നു. എഴുപതുകളിലെ നിറഞ്ഞുനിന്ന രാഷ്ട്രീയ വിഷയങ്ങളില് ആകൃഷ്ടനായ അവന് കോളേജിലെ പ്രവര്ത്തകനും നേതാവും ആകാന് അധികം നാളുകള് വേണ്ടിവന്നില്ല. ബംഗാള് നഗരത്തില് നടന്ന ഒരു പോലീസ് വെടിവെയ്പില് കാലിനു വെടിയേറ്റ അവനെ കോളേജില് ഹീറോയാകി. പുരോഗമന പ്രസ്ഥാനത്തില് നിന്നു അവന് നക്സലൈറ്റ് ആയി. വലിയ നക്സല് നേതാക്കന്മാരുടെ കൂടെ കേസുകളില് അവന് പ്രതിയായി. അതിനിടെ അവനുണ്ടായ പ്രണയ ബന്ടത്തില് അവന്റെ കാമുകി ഗര്ഭിനിയാകുമ്പോള് അവന് ജയിലിലായിരുന്നു. തന്റെ നക്സല് നേതാവിനെ പറഞ്ഹുകൊടുക്കതത്തില് ജയിലുദ്യോഗസ്തര് അവനെ ഭീകരമായി മര്ദിക്കുന്നു. അടിയതിരാവസ്തയ്കുശേഷം വന്ന ബംഗാളിലെ ഗവണ്മെന്റ് അവനെ മോചിതനാക്കുന്നു. ജയില്വാസത്തിനുശേഷം നടക്കാന് കഴിയാത്ത അവനെ സ്വന്തം ചുമലില് താങ്ങി അവന്റെ കാമുകി അവളുടെ വീട്ടിലേക്ക് കൊണ്ടുപോകുന്ന രംഗം ഹൃദയ സ്പര്ശിയാണ്.
പ്രക്ഷുബ്ദമായ ദിനങ്ങള്. തിളച്ചുമറിയുന്ന കോളേജ്. അതിലെല്ലാം പങ്കെടുത്തിട്ട് അവസാനം എണീറ്റുനടക്കാന് പോലും കഴിയാത്ത ഒരു ചെറുപ്പക്കാരന്റെ കഥ പറയുന്ന സിനിമ ആസ്വാദകരെ പിടിച്ച കുലുക്കുന്നു. ഭരണകൂടത്തിനെതിരെയുള്ള പോരാട്ടത്തിന്റെ കഥപറയുന്ന ഗൌതം ഘോഷ് ഉജ്ജ്വലമായ ഒരു പ്രണയത്തെയും നെഞ്ചേറ്റുന്നു. പ്രിയപ്പെട്ടവന്റെ ജീവന് പോലും അപകടത്തിലാനെന്നരിഞ്ഞിട്ടും അവനുവേണ്ടി പ്രതീക്ഷയോടെ കാതുനില്കുകയും ജയിലില് സന്ദര്ശിക്കുകയും ചെയ്യുന്ന രംഗം മനസ്സില് മായാതെ കിടക്കും. പ്രണയത്തെയും വിപ്ലവതെയും കഷ്ടതയും വിവരിച് പ്രേക്ഷകന്റെ കരളലിയിപ്പിക്കാന് കല്ക്കട്ട മൈ ലവ് നു കഴിഞ്ഞു .
